મૃત્યુનો બોધપાઠ

🌹✋🌹

*મૃત્યુનો બોધપાઠ*

ગઈ કાલ ના છાપાં ની હેડલાઈન હતી
*રૂપકી રાની ની જુદાઈ થી સદમા*

આજના છાપાં ની હેડલાઈન
*નશામાં ધૂત શ્રીદેવીનું ટબ માં ડૂબી અપમૃત્યુ*

કહેવાય છે,
*You are as Good as Your Last Act or Omission*

ચોવીસ કલાકમાં, હેડલાઈન જ નહીં, એમાંની લાગણીઓ, ભાવના અને મૃતક પ્રત્યેનો આદર, બધું જ બદલાઈ ગયું. આ વાત ફક્ત મીડિયાની નથી. આ વાત છે આખા જગતની, દરેક માણસની, જેણે દુનિયાદારીનું ગ્રાઈપ વોટર ગટગટાવી લીધું છે

ચોવીસ કલાકથી ઓછા સમયમાં, આ રંગ બદલતી દુનિયાએ પોતાનો રંગ બદલી દીધો. વારે તહેવારે, છાસવારે, દુનિયા આપણને આ બોધ આપતી રહે છે, પણ આપણે આ બોધ લેવા કે સ્વીકારવા નથી માંગતા

કાલ સાજ સુધી એની ક્લિપ્સ, મુવી કટિંગ, સંવાદો અને યાદો વાગોળતા વોટ્સ એપિયા ફેન્સ, રાત થી એના પોસ્ટ મોર્ટમ રિપોર્ટ નું પોસ્ટ મોર્ટમ કરવા માંડ્યા

*પરંતુ જ્યારે બહાર આવ્યું છે દારૂના નશામાં ધૂત હતી - તે પછી લોકોના દિલમાંથી ઉતરી ગઈ*.. સ્ત્રી પણ આટલો બધો દારૂ પીએ...!

ફરી એકવાર આ દુનિયા આપણને તદ્દન મફતમાં આ બોધ આપી રહી છે કે
*What you believe Matters,*
*Really doesn't Matter*

રૂપ, પૈસો, તાકત, શક્તિ, નામના, બધુ જ ક્ષણિક છે. બધું જ ભ્રમ છે, બધું જ ક્ષણ ભંગુર છે. *સાચી મૂડી, આપણે કરેલા કર્મો છે, આપણે કમાવેલા સંબધો છે, આપણે વાવેલાં ઋણાનુબંધ છે.*
સાચી કમાઈ, તમારાં પોતીકાઓ છે, એમને આપેલો પ્રેમ છે, એમણે પાછો વરસાવેલો સ્નેહ છે

શક્ય હોય તો આ ચોવીસ કલાકમાં બદલાયેલી હેડલાઈનથી જિંદગીએ શીખવેલો આ પાઠ યાદ રાખવાનો યત્ન કરીએ

*મહેન્દ્રભાઈ રાવલ*
સંપાદક
*શબ્દ  સંવાદ*